𓆩𓂀 مَـلَـڪ 𓂀𓆪
@m_z ·
المشاعر مش حرام، دي فطرة ربنا خلقها فينا. الحرام في الطريقة اللي بنعبر بيها عنها.
ربنا قال: _"وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا"_ [الإسراء: 32]
ربنا ما قالش ما تعملوش، قال ما تقربوش. يعني الشات والخروج والكلام اللي فيه غزل، كل دي خطوات بتقربنا، والشيطان بيبدأها بـ "عادي ده زي أخويا او اختي ".
وربنا حذرنا: _"لَا تَتَّبِعُوا خُطُوَاتِ الشَّيْطَانِ"_
وربنا قال :
_"يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ ۚ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ
وَقُلْنَ قَوْلًا مَّعْرُوفًا"_ [الأحزاب: 32]
يعني متتكلميش بطريقه ليّنه علشان الي في قلبه مرض هيطمع خلوا كلامكم محترم وواضح
وقال لينا :
_"قُل لِّلْمُؤْمِنِينَ يَغُضُّوا مِنْ أَبْصَارِهِمْ"_
_"وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ"_
والنبي ﷺ قال: _"ما خلا رجل بامرأة إلا كان الشيطان ثالثهما"_
وقال ﷺ: _"إن الله كتب على ابن آدم حظه من الزنا، أدرك ذلك لا محالة، فزنا العين النظر، وزنا اللسان المنطق، والنفس تتمنى وتشتهي، والفرج يصدق ذلك أو يكذبه"_
يعني النظرة والكلام والرسايل اللي في نص الليل، ربنا بيحاسب عليها مش عشان يعذبنا، عشان بيحمينا.
اسألوا نفسكم كده : اللي بيحب بجد ليه ما دخلش البيت من بابه؟ اللي بيحب بجد هيخاف عليكم من النار، مش بيجركم ليها.
الحب الحقيقي ربنا وصفه وقال: _"وَجَعَلَ بَيْنَكُم مَّوَدَّةً وَرَحْمَةً"_
حب فيه سكن وراحة، مش خوف وقلق وندم.
ولو احنا عملنا معصيه ربنا غفور رحيم باب التوبة مفتوح لينا ، ربنا قال: _"لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا"_
احفظوا قلوبكم للي يستاهلها.
ارجوا ان تتبعوا نصيحتي انا لست شيخه ولست متدينه بما يكفي ولكن للاسف هذا الظواهر اصبحت منتشره كثيرا وكنت اريد فقط اعطاء النصيحه اتمنى ان تستفيدوا من نصيحتي 🤍🕊



